Qytaıdyń Chendý qalasynyń 27 jastaǵy turǵyny Sáo Iao óziniń koronavırýsty qalaı juqtyrǵany týraly aıtyp berdi. Bul týraly ol óziniń áleýmettik jelidegi paraqshasynda jazdy. 

Qytaılyq azamat vırýsty qashan jáne qaıda juqtyrǵanyn bilmeıdi. Onyń aıtýynsha, ol koronavırýsty Hýbeı provınsıasynyń Szınchjoý qalasynda jańa jyldy qarsy alýǵa bara jatqan da poıyzda juqtyrǵan bolýy múkin.

Iaonyń sózinshe, ol Ýhanda koronavırýstyń órshýi, ınfeksıanyń taralýy týraly estigen. Otbasyn qorǵaý úshin azamat jańa jyl kezinde ózi úıiniń janyndaǵy qonaqúıge jaıǵasqan. Keıinnen onyń úıine oralýyna múmkindigi bolmady. Óıtkeni sol ýaqytta Hýbeı provınsıasynyń kóp bóligin karantınde ustaǵan.

Ol 1 aptadaı qonaq úıge turaqtap, onda kespe (lapsha) taǵamdaryn jeıdi. Bir kúni onyń kenetten ystyǵy kóteriliedi. Biraq ol kómekke eshkimdi shaqyrmaıdy. Aýrý seıilmegennen keıin Sáo onlaın-dárigerdiń kómegine júginedi. 

– Men kenetten dene qyzyýymnyń kóterilgenin sezip, shara qoldanýǵa kiristim. Dáriger joǵarǵy tynys joldarynda ınfeksıanyń belgileri bolýy múmkin ekenin aıtyp, aýrýhanaǵa barýǵa keńes berdi,  – deıdi qytaılyq azamat. 

Keıinnen Qytaı úkimeti Sáo turaqtaǵan qonaq úıdi jaýyp tastaǵan. Sodan ol dosynyń úıine barýǵa májbúr boldy. Sol ýaqytta Sáo qatty jótelmen aýyryp, dosynyń da dene qyzýy kóterilip, ýaqytsha aýrýhanaǵa jatqyzylǵanyn habarlady. 

Ol aqpannyń 4-i kúni koronavırýs juqtyrǵanyn biledi. Qazirgi tańda jas jigit aýrýdan aıyǵyp, qalpyna keldi. Sáo ári qaraı koronavırýsty zertteý úshin qan tapsyrýdy josparlap otyrǵanyn aıtty.