Belarýs prezıdenti Aleksandr Lýkashenko Qazaqstannyń eks-prezıdenti Nursultan Nazarbaevty QHA qurylǵanynyń 25 jyldyǵymen quttyqtady. Bul týraly Belarýs Prezıdentiniń baspasóz qyzmeti habarlaıdy. 

"Sizdiń bastamańyzben qurylǵan ol biregeı jáne teńdesi joq joldan ótti, qoǵamnyń áleýetin memlekettiń damýy múddelerinde shoǵyrlandyrdy jáne etnosaralyq qatynastardyń bedeldi ınstıtýtyna aınaldy. Qazaqstan jerinde turatyn kóptegen etnostardyń mádenıetterin, tilderin jáne dástúrlerin saqtaý, azamattardyń quqyqtary men bostandyqtaryn qurmetteý elde kelisimdi ornatýǵa, Eýrazıa aımaǵynda turaqtylyqty qamtamasyz etýge tıimdi qyzmet etedi", - delingen quttyqtaý jedelhatynda. 

Belarýs prezıdenti Nursultan Nazarbaevqa qonaqjaı Qazaqstandaǵy belorýstyqtardy qoldaǵany úshin alǵysyn bildirdi jáne oǵan myqty densaýlyq, barlyq bastamalarda tabys, barlyq qazaqstandyqqa beıbitshilik pen órkendeý tiledi.