Ońtústik Koreıadaǵy Sınchonjı dinı sektasynyń jetekshisi Sınchendjı Lı Man Hı kópshilik aldynda tize búgip, koronavırýstyń taralǵany úshin keshirim surady. Bul týraly rappler.com habarlady. 

Ońtústik Koreıa bıliginiń pikirinshe, bul eldiń ortalyǵyndaǵy koronavırýstyń negizgi tasymaldaýshylary Sınchonjı sektasyn ustanýshylar. 10 aqpanda shirkeýdiń 61 jastaǵy qyzmetkeri koronavırýstan zardap shekken. Budan buryn ol 4 shirkeý qyzmetinde bolǵan.

Osylaısha, Ońtústik Koreıadaǵy aýqymy boıynsha 4-shi oryndaǵy, 2,5 mln turǵyny bar Tegý qalasyndaǵy Sınchhodjı dinı sektasy epıdemıa oshaǵyna aınalyp otyr. Búgingi tańda búkil el boıynsha tirkelgen COVID-19 vırýsynyń 4000-ǵa jýyǵy osy sektamen baılanystyrylyp otyr.

– Men shirkeýdiń barlyq músheleri atynan adamdardan keshirim suraımyn. Bul baıqaýsyzda oryn aldy. Biz qolymyzdan kelgenniń bárin jasadyq, biraq epıdemıany toqtata almadyq. Men adamdar men úkimetten keshirim suraımyn, – dedi 88 jastaǵy sektanyń jetekshisi Lı Man Hı. 

Seýl qalalyq úkimetiniń prokýrorlary Lı Man Hıge jáne basqa da 11 sektanyń jetekshilerin jaýapqa tartylýyn surady. Keıbir málimetterge súıensek, sektadaǵy naýqastar medısınalyq mekemelerdegi qyzmetten bas tartqan, olardyń týystary men dostary dárigerlerdi úıge kirgizbegen.