Ýkraına Densaýlyq saqtaý mınıstriniń orynbasary Vıktor Láshko koronavırýstyń jańa túriniń alǵashqy oqıǵasy eldiń Chernovsy oblysynda tirkelgenin aıtty. Bul týraly RIA habarlady.  

–  Keshe tórt adam kúdikpen jatqyzylǵanyn aıttym, búgin kúdigimiz bir adamnyń boıynan rastaldy, – dedi sheneýnik.

Láshkonyń aıtýynsha, koronavırýsqa uqsas belgiler Italıadan oralǵan otbasynda paıda boldy. Otbasy ózdigimen "oqshaýlanǵan", al eki kúnnen keıin er adamnyń boıynan aýrýdyń belgileri baıqalǵan. Ol otbasylyq dárigerge baryp, juqpaly aýrýlar aýrýhanasynda emdeýdi qajet etetin belgiler paıda bolǵansha nusqaýlardy oryndady. Qazirgi tańda epıdemıologtar naýqaspen baılanysta bolǵan adamdarmen jumys isteı bastady, mundaı adamdar kóp emes.

Qytaıda jańa koronavırýsty juqtyrǵandar sany 80 myńnan asty, onyń 2943-i qaıtys boldy, al 47,2 myń adam aýrýdan aıyqty.