Elordada ana tilimizge dýblájdalǵan «Alǵa» fılminiń aldyn-ala kórsetilimi ótti. Disney/Pixar stýdıasynyń múltıplıkasıalyq fılmi, osymen «Bolashaq» korporatıvtik qory men «Meloman» kompanıasynyń bastamasymen «Ózińnen basta» jobasy aıasynda dýblájdaǵan 34-shi týyndy bolyp otyr.

Aldyn-ala kórsetilim barysynda sóz sóılegen «Nur Otan» partıasy Tóraǵasynyń Birinshi orynbasary jáne «Bolashaq» qory Qamqorlyq keńesiniń qurmetti múshesi Baýyrjan Baıbek el tarıhyndaǵy kúrdeli kezeńderdiń biri bolǵan táýelsizdiktiń alǵashqy jyldarynda Tuńǵysh Prezıdent Nursultan Nazarbaevtyń «Bolashaq» stıpendıasyn taǵaıyndaǵanyn atap ótti. Búgingi tańda biregeı baǵdarlamanyń myńdaǵan túlekteri Otanyna qaıtyp oralyp, el ekonomıkasynyń túrli salalarynda jumys isteýde. 2011 jyly bolashaqtyqtar qazaq tildi balalarǵa arnalǵan sapaly jáne básekege qabiletti kontent qurýǵa baǵyttalǵan «Ózińnen basta» áleýmettik jobasyna bastamashy boldy. Bastamaǵa «Nur Otan» partıasy qoldaý kórsetti.

«Jahandaný kezeńinde óz tarıhyna tereń tamyr jibergen, ulttyq mádenıeti men ana tilin ardaqtaı bilgen halyqtyń ǵana árdaıym aıy ońynan týmaq. Sondyqtan da «Nur Otan» elimizdegi ózge ult ókilderiniń tóltýma qasıetteriniń saqtalýyn qýattaı otyryp, qazaq tilin, mádenıeti men dástúrin damytýdy óz strategıalyq basymdyqtarynyń biri retinde belgilegen. Budan toǵyz jyl buryn Elbasynyń tikeleı qoldaýymen qolǵa alynǵan «Ózińnen basta» áleýmettik jobasynyń arqasynda osy kezge deıin álemdegi eń úzdik 34 kórkem jáne anımasıalyq balalar fılmi qazaq tilinde dýblájdaldy. Osy bastamaǵa qyzý qoldaý bildirip, qazaq tiliniń bolashaǵyna beıjaı qaramaıtyn barsha demeýshiler men mesenattarǵa erekshe alǵys bildiremin» - dep atap ótti Baýyrjan Baıbek.

Tuńǵysh ret qazaq dýblájynyń tarıhynda fılmdegi mátindik jazýlar bir izge túsirilip, yńǵaıǵa keltirildi. «Alǵa» fılmi «BI Group» qurylys holdıńiniń qoldaýymen dýblájdalǵan - toǵyzynshy týyndy.

«Týyndyny jasaý barysynda biz shyǵarmashylyq adamdarymen kóp jumys jasadyq. Bul dýbláj tarıhyndaǵy jańa kezeń boldy. Men bul sátti uzaq kúttim. Tipti, osy jazbalarǵa kastıng te jarıalandy. Biz eń úzdigin tańdap alýy úshin Disney/Pixar stýdıasyna qazaq tilindegi birneshe úlgi jiberdik. Fılmdi dýblájdaý úshin úlken eńbek jasalǵanyn kórermender túsinse deımin», - dedi dýblájdyń rejıseri Shah-Mýrat Ordabaev.

 

 

 

Posmotret etý pýblıkasıý v Instagram

 

 

Jahandaný kezeńinde óz tarıhyna tereń tamyr jibergen, ulttyq mádenıeti men ana tilin ardaqtaı bilgen halyqtyń ǵana árdaıym aıy ońynan týmaq. Sondyqtan da «Nur Otan» elimizdegi ózge ult ókilderiniń tóltýma qasıetteriniń saqtalýyn qýattaı otyryp, qazaq tilin, mádenıeti men dástúrin damytýdy óz strategıalyq basymdyqtarynyń biri retinde belgilegen. ⠀ Búgin otbasymmen birge «Bolashaq» baǵdarlamasynyń túlekteri men demeýshilerdiń qazaq tilinde dýblájdaǵan «Alǵa» fılminiń kórsetilimine bardym. Budan toǵyz jyl buryn Elbasynyń tikeleı qoldaýymen qolǵa alynǵan «Ózińnen basta» áleýmettik jobasynyń arqasynda osy kezge deıin álemdegi eń úzdik 34 kórkem jáne anımasıalyq balalar fılmi qazaq tilinde dýblájdaldy. Osy bastamaǵa qyzý qoldaý bildirip, qazaq tiliniń bolashaǵyna beıjaı qaramaıtyn barsha demeýshiler men mesenattarǵa erekshe alǵys bildiremin.

Pýblıkasıa ot Baýyrjan Baıbek (@baibekbk) 4 Mar 2020 v 6:16 PST

Jalpy alǵanda 9 jyl ishinde «Muzdy ólke-2», «Kólikter 2», «Batyl júrek», «Koko qupıasy», «Moana», «Malefısenta», «Aladdın» jáne taǵy da basqa týyndylar dýblájdaldy. Dýbláj salasyndaǵy 200-den astam, ishinde rejıserlar, mýzykalyq jetekshiler, dybys rejıserlary, aýdarmashylar men akterlar da bar otandyq mamandar Disney stýdıasynyń halyqaralyq standarttaryna sáıkes bilimderin jetildirdi.