Ońtústik Koreıadan Almaty qalasyna kelgen 100 jolaýshy karantınge jatqyzyldy. Kelgen jolaýshylardyń 93-i qazaqstandyq bolsa, jeteýi basqa elden.
"5 naýryzda 15.50-de Seýl-Almaty reısimen barlyǵy 197 adam ushyp keldi. Olardyń 97-si – tranzıtpen kelgender (Qyrǵyzstan – 23, Ózbekstan – 37, Reseı – 16, Ýkraına – 18, Ońtústik Koreıa – 2, Tájikstan – 1). Qyrǵyzstan óz azamattary úshin arnaıy avtobýs jiberip, 21 azamatyn alyp ketti" dep málimdedi densaýlyq saqtaý mınıstrliginiń ókili.
Al karantınge 100 adam jetkizilip, ornalastyrylǵan. Olardyń arasynda tórt bala bar.
Eske sala ketsek, Qazaqstanda Qytaı, Ońtústik Koreıa jáne Iran elderinen kelgen azamattar 14 kúnge karantınge jabylady.
Pikir qaldyrý