QR aqparat jáne qoǵamdyq damý mınıstri Dáýren Abaev Qaraǵandyda beıbit mıtıń ótkizý boıynsha zań jobasyn talqylaý boıynsha ashyq alańda qoǵam belsendileriniń, jýrnalıserdiń, ǵalymdardyń suraqtaryna jaýap berýde, BAQ.KZ.
Mınıstr óz sózinde mıtıńten qoryqpaıtyndyǵyn, sol sebepti de qoǵamdyq tyńdalym ótkizip, halyqtyń pikirin bilýdi maqsat etetindigin aıtty.
– Atalǵan zań jobasyn halyqtyń júz paıyzy qoldap otyr dep oılamaımyn. Keıbir adamdar mıtıńke shyqqysy keledi, al keıbireýi buǵan qarsy. Sondyqtan da osylaı jınalyp, tyńdalym ótkizý arqyly bir balansqa kelýimiz kerek. Iaǵnı, óz oıyn aıtqysy keletinder basqa turǵyndarǵa kedergi keltirmeýi kerek, – deıdi Dáýren Abaev.
Onyń aıtýynsha, jańa zań boıynsha halyqtyń aıtaryna shekteý qoıylmaıtyn bolady.
– Biz mıtıńten qoryqpaımyz. Bizdiń oıymyzsha, mıtıń zańdy túrde, aıqaı-shýsyz ótip, adamdar ózderiniń talaptaryn, oılaryn jetkizýi qajet. Pıar emes. Basty maqsat – halyq óz oıyn jetkizýi kerek. Osy zań aıasynda adamdar óz problemasyn aıtyp nemese ıdeıasyn aıta alatyndaı múmkinshilik beremiz. Qalǵan máseleniń kópshiligi zańdyq tehnıka. Bastysy zań jumys istese, adamdar óz oıyn aıta alsa etıka da qalyptasady, – dedi QR aqparat jáne qoǵamdyq damý mınıstri Dáýren Abaev.
