Qazaqstandyq depýtattar 8 naýryz merekesinde súıikti jarlaryna qandaı syılyq tartý etetinin aıtty, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. 

Halyq qalaýlylary súıiktilerine Halyqaralyq áıelder kúninde syılyq jasaý úshin kóp qınalmaıtyn tárizdi. Deni názik jandardyń jaqsy kóretin gúl shoqtaryn tartý etpek.

"Eń úlken syılyq, ol, árıne, gúl. Ekinshisi, ózimizdiń júregimizdi syılaý, jaqsy kóńil-kúıimizdi syılaý. Meniń jarym kezinde menimen birge oqyǵan synyptasym, ómir boıy qasymda kele jatqan kisi. Oǵan endi tek 8 naýryzda ǵana emes, kún saıyn jaqsylyq syılap kele jatyrmyn dep oılaımyn. Kóńil-kúıim jaqsy bolǵan kezdiń bárinde gúl syılaımyn", - dedi senat depýtaty Bektas Beknazarov.

Onyń áriptesi Murat Baqtıaruly da jyldaǵy ádetpen jaryna gúl syılamaqshy.

"Odan keıin jaqsy kóretin torty bar, sony alyp beremin. Qyzdaryma kóp jaǵdaıda tort nemese kámpıt beremin. Jalpy, ózderiniń qalaǵanyn satyp alýǵa tyrysamyn", - dedi ol.

Al májilis depýtaty Bekbolat Tileýhan 8 naýryzǵa alatyn syılyǵyn dúıim jurtqa jarıa etkisi kelmeıtinin bildirdi.

"Ol endi meniń ishki syrym, aıtpaımyn, aıtýǵa uıalamyn. Ózine qajet nársesin syılaımyn", - dedi ol.

Dese de májilismen úsh áıeline ártúrli syılyq tartý etpekshi.

"Ártúrli bolady, ne qalaıtynyna baılanysty", - dep qysqa qaıyrdy Tileýhan.

Tómengi palata depýtaty Baqytbek Smaǵul syılyq bergendi asa unata qoımaıtyn syńaıly.

"Jalpy, men oǵan mashyqtanbaımyn. Er azamattyń ózi áıeldiń kóńilinen shyǵyp tursa, úlken syılyq sol ǵoı. Bul merekeniń máni tek syılyq berýde ǵana emes, áıeldi syılaı bilýde dep oılaımyn. Áıel zatyna degen qurmetimiz seıilmeýge tıisti", - dedi ol.