Aýdıtorlar 44 mlrd teńge kóleminde búdjet qarajatyn jumsaýda qarjylyq buzýshylyqtardy anyqtady. Bul týraly premer-mınıstrdiń birinshi orynbasary – qarjy mınıstri Álıhan Smaıylov aıtty. 

– Esepti kezeńde 334 aýdıtorlyq is-shara júrgizildi. Tekserý 187 mlrd teńge búdjet qarajatyn qamtydy. Qarjylyq buzýshylyqtar 44 mlrd teńge kóleminde anyqtaldy. Onyń ishinde 38 mlrd teńge taýarlardy jetkizý, qyzmetter kórsetý jáne jumystardy oryndaý, ótemaqy arqyly joıyldy, – dedi Smaıylov.

Úkimet otyrysynda ol respýblıkalyq búdjettiń shyǵystary 2,1 trln teńgeni quraǵanyn atap ótti.

– Memlekettik búdjettiń shyǵystary 96,5%-ǵa, respýblıkalyq búdjet 97,1%-ǵa, jergilikti búdjetter 96,9%-ǵa oryndaldy. 62 mlrd teńge oryndalmady, onyń 10 mlrd teńgesi únemdeldi. Igerilmegen qarajat kólemi 52 mlrd teńgeni qurady, – dep aıtty mınıstr.