«Nur Otan» partıasy el ishindegi qordalanǵan máselelermen tanysyp, olardy sheshý úshin shalǵaı eldimekenderdi aralap, ár máselege jeke-jeke kóńil bólýde. Sondaı kezekti máseleniń sheshilý barysy týraly «Nur Otan» partıasy tóraǵasynyń birinshi orynbasary Baýyrjan Baıbek óziniń facebook-taǵy paraqshasynda habarlady.

"Elbasynyń tapsyrmasy boıynsha, «Nur Otan» partıasy halyqty tolǵandyratyn túıindi máselelerdi jáne olardyń sheshý joldaryn birge talqylaý úshin elimizdiń shalǵaıdaǵy aýyldary men eldimekenderiniń turǵyndarymen kezdesýde.
⠀
Túrkistan oblysyna jasaǵan jumys saparymyzdyń barysynda Jetisaı aýdanyna qarasty Abaı aýylynyń turǵyndary 2600-den astam sharýa qojalyǵy paıdalanatyn K-30 sýarý kanalyn qaıta qalpyna keltirý jumystarynyń uzaqqa sozylǵany týraly máseleni kótergen bolatyn.
⠀
Ýáde etkenimdeı, osy sapardan keıin partıa músheleri – aýyl sharýashylyǵy jáne tabıǵı resýrstar mınıstrlerimen arnaıy jıyn ótkizdim. Jaqyn arada ýákiletti memlekettik organdar partıalyq baqylaýǵa alynǵan máselelerdi sheshýdiń jeke jol kartasyn engizedi. Búgin Ekologıa, geologıa jáne tabıǵı resýrstar mınıstri Maǵzum Myrzaǵalıev sol jerde jaǵdaımen tanysyp, aýyl turǵyndarymen kezdesti. Nátıjeleri týraly qosymsha habarlaımyz" delingen Baýyrjan Qydyrǵalıulynyń jazbasynda.