Apple kompanıasy koronavırýstyń órship turýyna baılanysty naýryzǵa josparlanǵan jańa iPhone SE 2 smartfonynyń tanystyrylymyn keıinge qaldyrdy, dep jazady Today.kz.
Kompanıa tusaýkeser ótetin datany ázirge habarlaǵan joq.
Atalǵan sheshim Apple-dyń shtab-páteri ornalasqan Amerıkadaǵy Santa-Klara okrýgynda adamdar kóp jınalatyn sharalarǵa tyıym salynýmen baılanysty.
İPhone SE 2 nemese iPhone 9 dep atalýy múmkin smartfon tanystyrylymy shamamen maýsym aıynda ótýi múmkin. Al iPhone 12 tanystyrylymy qyrkúıekten qazanǵa shegerilýi yqtımal.
Qolda bar derek boıynsha jańa iPhone 400 dollar turatyn bolady. Apparattyń tehnıkalyq sıpattamalarynan A12 Bionic prosesorymen jaraqtandyrylǵany, 3 gb operatıvtik jadtan turatyny, iPhone XR úlgisindegideı kamera ornatylǵany belgili.
Pikir qaldyrý