Ózbekstanda COVID-19 koronavırýsyn juqtyrǵan taǵy eki adam anyqtaldy. Osylaısha, elde vırýs juqtyrǵandar sany 6-ǵa jetti.
Jeksenbide Ózbekstan Densaýlyq saqtaý mınıstrligi Fransıadan oralǵan Ózbekstan azamatynan koronavırýs tabylǵanyn habarlady. Keıinnen Densaýlyq saqtaý mınıstrligi taǵy eki jaǵdaıdyń rastalǵanyn málimdedi. Vırýs juqtyrǵandar er men jáne áıel adamdar.
– COVID-19 vırýsy Parıjden kelgen alǵashqy pasıenttiń jubaıy men nemeresinen tabyldy, – dedi densaýlyq saqtaý mınıstrliginiń ókili.
Buǵan deıin Ózbekstan densaýlyq saqtaý mınıstrliginiń sanıtarlyq-epıdemıologıalyq salaýattylyq agenttiginiń ókili koronavırýsqa baılanysty 150 adam karantınge alynǵanyn aıtqan bolatyn.
Pikir qaldyrý