Vırýstyń taralýyna qarsy is-qımyl jónindegi aımaqtyq shtaby koronavırýs juqtyrǵan 12 jastaǵy qyzdyń jaǵdaıy týraly aıtyp berdi.

– Almatyǵa Germanıadan ata-anasymen kelgen 2008 jylǵy qyz áýe kemesiniń bortynan birden balalar juqpaly aýrýlar aýrýhanasyna jatqyzyldy. Qazirgi ýaqytta qyzdyń jaǵdaıy qanaǵattanarlyq. Aıta ketý kerek, ekıpajdy qosa alǵanda, 12 adamnan turatyn bort áýejaıda oqshaýlandy, olardan synama alyndy, – delingen habarlamada.

Shtabtyń habarlaýynsha, 16 naýryzda Almatyda koronavırýstyq ınfeksıanyń rastalǵan 7 jaǵdaıy tirkelgen. 6 naýqas eresekterdiń juqpaly aýrýlar emhanasynda emdelýde.

Almaty ákimdigi barlyq azamattardy, ásirese úı karantıninde júrgenderdi óz densaýlyǵyna jáne basqalardyń densaýlyǵyna jaýapkershilikpen qaraýǵa, jaýapkershilikke jáne sanıtarlyq-gıgıenalyq erejelerdi saqtaýǵa shaqyrady.

16 naýryzdaǵy derek boıynsha Almatyda 676 adam karantınde jatyr.