Almaty qalasynyń ákimi Baqytjan Saǵyntaev 19 naýryz kúni saǵat 00:00-de engiziletin karantınniń qalaı júzege asatyny týraly málimdeme jasady.

Qala basshysynyń sózinshe, Almatydaǵy karantınniń basty maqsaty – ınfeksıanyń taralýyn toqtatý.

Karantın boıynsha tómendegideı sharalar qolǵa alynbaq:

– Ózin-ózi oqshaýlaý jáne úı karantıni mehanızmderi arqyly epıdemıaǵa qarsy aýqymdy is-sharalardy júrgizý;

– Kóshelerdi, tratýarlardy jýý, dezınfeksıalaý arqyly juǵý organdaryn buǵattaý;

– Qoǵamdyq oryndarda, turǵyn úılerde sanıtardyq-epıdemıologıalyq dezınfeksıany kúsheıtý;

– Azamattar men avtokólik quraldarynyń Almaty qalasy aýmaǵyna kirip-shyǵýyn shekteý. Qalaǵa kireberisterde 27 blok-beketterin ornatý. Beketterde patrúldik polısıa polki, qorǵanys mınıstrligi men ulttyq gvardıa kúshteri jumyldyrylady.

– Qalaǵa birinshi qajetti taýarlardy (azyq-túlik, dári-dármek, gıgıena quraldary) ákelý úshin jasyl dáliz qurylady;

– Karantın kezeńinde balabaqshalardyń, azyq-túliktik emes saýda oryndarynyń,  rin oıyn-saýyq ortalyqtary  men saýda úıleriniń jumysy toqtatylady.

Aldaǵy ýaqytta Almaty aýmaǵynda shekteý, aldyn alý jáne indetke qarsy sharalardyń tolyq tizbesi jarıalanady.