Memleket basshysy Nur-Sultan jáne Almaty qalalarynyń ákimderimen beınebaılanys arqyly keńes ótkizdi, – dep habarlady Akorda .

Altaı Kólginov Qasym-Jomart Toqaevqa elordadaǵy qazirgi ahýal jáne koronavırýstyń taralýyna qarsy karantın engizilýine baılanysty qabyldanǵan sharalar jaıynda esep berdi.

Prezıdent qala turǵyndaryn eń qajetti taýarlarmen jáne azyq-túlikpen tolyq qamtamasyz etýdiń mańyzdylyǵyn atap ótti. 

Memleket basshysy Nur-Sultan qalasynda ornalasqan shet memleketterdiń dıplomatıalyq ókildikteri men halyqaralyq uıymdarǵa qatysty týyndaǵan máselelerdi tez arada sheship, tıisti kómek kórsetý kerektigin aıtty. 

Qasym-Jomart Toqaev koronavırýske qarsy kúrestiń mańyzdylyǵyn aıta kele, qala tirshiligindegi basqa da ózekti máselelerdi kún tártibinen túsirmeýdi, atap aıtqanda, sý tasqynyn erekshe baqylaýda ustaýdy tapsyrdy. 

Sonymen qatar Baqytjan Saǵyntaev Qasym-Jomart Toqaevqa Almaty qalasynyń karantın engizý jaǵdaıyna ázirligi, qosymsha daıyndalǵan tósek-oryndar sany, koronavırýs indetiniń taralýyna qarsy kúreske qajetti barlyq resýrstar men quraldardy jumyldyrý týraly baıandady. 

Memleket basshysy elimizdiń iri megapolısin azyq-túlikpen qamtamasyz etýge baılanysty máselelerdiń sheshilýine erekshe kóńil bólýdi, sondaı-aq, áleýmettik mańyzy bar taýarlardyń baǵasyn qatań baqylaýda ustaýda tapsyrdy. 

Qasym-Jomart Toqaev Baqytjan Saǵyntaevqa Almaty oblysynyń ákimimen birlesip, Almaty qalasynda jumys isteıtin óńir turǵyndarynyń megapolıske qatynaý máselelerin pysyqtaý qajettigin aıtty.