Almatyda medısınalyq maska baǵasy retteldi. Bul týraly qala ákiminiń orynbasary Saparbek Tuıaqbaev málimdedi.

– Maskalarǵa belgilengen osy baǵalardy qatań baqylaımyz. Asosıasıa arqyly logıstıkasy jaqsy 48 dárihana anyqtaldy. Kúnine 80 myń maska jetkizip otyramyz. Búgin 50 myń maska jetkizdik. Qazir ákimdik tórtjaqty kelisim jasasty. Óndirýshi "Dolche farm" kompanıasy, ákimdik, farmasevtıkalyq baqylaý departamenti, dárihanalar jelisi maskalardy óndirý men jetkizý, baǵa saıasaty boıynsha ýaǵdalastyqqa keldi. Endi 3 qabatty maska – 87 teńgeden, kómir fıltri bar maska – 111 teńgeden satylatyn boldy. "Dolche farm" kompanıasy qazir ekinshi óndiris jelisin iske qosty. Maska saýdasy dárihanalardaǵy kamera arqyly baqylanady, – dedi qala ákiminiń orynbasary.