Almaty ákimdigi karantın kezinde qaı bazarlar jumys istep, qaısysy jabylatyny týraly aıtty.

Ákimdik dereginshe, qalada barlyǵy 52 bazar bar. Sonyń ishinde, 6 azyq-túlik bazary karantın kezinde de jumys isteı beridi. Olar: "Juldyz", "Barys-4", "Bereke", "Qarasý", "Saýdakent", "Aq-Bulaq" bazarlary.

Al qaladaǵy 17 ámbebap bazardyń tek azyq-túlik qatarlary ashyq turady. Olar: "Tastaq", "Kárim", "Aqsaı-3", "Arystan", "Saryarqa", "Orbıta", "Aınabulaq", "Sálem", "Vernenskıı", "Kók bazar", "Taýsamaly", "Barlyq", "Mehrınısa", "Túrksib", "Kerýen", "Almaty-1", "Jetisý-Semıreche". 

Al Almatydaǵy azyq-túlik emes, basqa taýarlar satatyn 29 bazar – "Arlan", "Kenjehan", "Qazyna", "Ójet", "Úsh-Qońyr", "Aqbulaq", "Alataý", "Eýrazıa", "Saıahat", "Azıa", "Saýran", "Jibek-Joly", "Tulpar", "Tıgrohaýd", "Alataý-1", "Dástúr", "Olja", "Iýpıter", "Baısat", "Rahat KZ", "Ialan-2", "Batyr", "Rahat", "Barys", "Nursat", "Aq-bulaq", "Bahar", "Úmit", "Altaı" karantınge baılanysty jabylap jatyr.

Almatydaǵy saýda oıyn-saýyq ortalyqtarynda (SOO), saýda ortalyqtarynda (SO) jáne saýda úılerinde (SÚ) ornalasqan dárihana bólimsheleri, ekinshi deńgeıli bankter men azyq-túlik dúkenderinen basqa barlyq 24 SOO, 38 SO jáne 58 SÚ karantınge jabyldy.

Ákimdiktiń habarlaýynsha, qalada 3 378 azyq-túlik dúkeni ashyq tur. Al azyq-túlik emes, basqa taýarlar satatyn 2 263 dúken jabyldy.