Saıasattanýshy Erlan Saırov Qazaqstanda bıliktiń evolúsıalyq modeli qurylyp jatqany týraly aıtty dep jazady Strategy2050.kz. 

– Bizdiń elde bıliktiń beıbit túrde aýysqanyna bir jyl toldy. Bul ózgeristiń basty ereksheligi úrdistiń beıbit ári óz erkimen bolǵany. Bul bizdiń eldegi bılik transformasıasyn túsindiretin mańyzdy sát. Transformasıa elimiz úshin saıası tarıhı kezeńde oryn aldy. Qoǵamda pikirlerdiń alýandyǵy paıda boldy, jastar olardyń kózqarasynsha ádiletti ári radıkaldy reformalardyń bolýyn qalady, – dedi E.Saırov.

Sonymen qatar, saıasattanýshy Qazaqstanda bıliktiń evolúsıalyq modeli qurylyp jatqanyn aıtty.

– Bizde bıliktiń evolúsıalyq modeli qurylýda. Elbasy Nursultan Nazarbaev zańnamalyq ári konstıtýsıalyq deńgeıde bılikti aýystyrýǵa beıbit ári lıgıtimdi negiz qalyptastardy. Osylaısha, bılikti beıbit túrde jańa kezeńge sabaqtastyrdy, – dedi E.Saırov.