Bul týraly Qamshy.kz aqparat agenttigi QazAqparat deregin negizge alp habarlaıdy.
«Alǵashqy jaǵdaıda, Qarasaı aýdanynda turatyn 22 jáne 23 jastaǵy eki azamat metal synyqtaryn jınaýmen aınalysý kezinde 125 mm kalıbrli 4 artılerıalyq tank snarádyn taýyp alǵan. Aıta ketetin jaıt, bireýi jarǵysh zatymen birge bolǵan, al ekinshisiniki oǵan qaýip tóndiretin jaqyn jerde ornalasqan. Olar jarylǵash zattardy «Toıota kamrı« markaly avtokóliginiń artqy oryndyqtarynda tasymaldaǵan jáne «Búrkit – 402« ekıpajynyń polıseıleri olardy dál sol orynnan tapqan. Ekinshi jaǵdaıda, polısıa qyzmetkerleri jalpy sany 160 birlikten asatyn jarylǵysh qurylǵylardy İle aýdanyndaǵy aýyldardyń metal qabyldaý pýnktiniń biriniń aýmaǵynan taýyp, tárkiledi. 49 jáne 35 jastaǵy eki metal qabyldaýshy basshylarynyń ruqsatynsyz jarylys qaýpi bar zattardy qabyldaǵan. Tárkilengen zattardyń qatarynda avıasıalyq raketalardyń jarylmaǵan fragmentteri, mınomet snarádtary, jarǵyshtar, kassetalyq-jaryqtandyrý, artılerıalyq snarádtar men brondy avıasıalyq bombalardyń fragmentteri bar», - dedi Almaty oblysy İle aýdandyq polısıa basqarmasynyń bastyǵy Marat Kúshtibaev.
Atalǵan derek boıynsha QR QK 287-baby 1-bóligi boıynsha sotqa deıingi tergeý amaldary bastalǵan. Kúdiktiler mekenjaıyn ózgertpeý týraly qolhatpen bosatyldy.
«Jaqynda Qapshaǵaı qalasynda metal qabyldaý pýnktinde dál osyndaı zattardyń jarylýy saldarynan qaıǵyly jaǵdaı bolyp, jas jigit qaza tapty. Polıseıler kóptegen adamnyń ómirin qutqaryp qaldy deýge bolady. Jarylǵysh zattardyń kez kelgeniniń jarylý qaýpi bar jáne ol tizbekti reaksıa týdyryp, zańsyz saqtalǵan arsenaldyń jalpy jarylysyna ákelýi múmkin edi»,- deıdi polkovnık Kúshtibaev.
