Almaty qalasynda karantınge jabylǵan barlyǵy 52 bazar bar. Sonyń ishinde, 6 azyq-túlik bazary – "Juldyz", "Barys-4", "Bereke", "Qarasý", "Saýdakent", "Aq-Bulaq" karantınge qaramastan jumys istep tur. Azyq-túlik emes, basqa taýarlar satatyn 29 bazar keshegi kúnnen bastap tolyq jabyldy. Al qalǵan 17 ámbebap  bazarda tek azyq-túlik satatyn qatarlar ashyq tur.

Qaladaǵy eń tanymal ámbebap bazarlardyń biri – "Kók bazarda" búgin satyp alýshylar az baıqaldy. Karantın tártibine sáıkes, bul bazarda azyq-túlik emes, basqa zattardy saýdalaıtyn qatarlar men dúńgúrsheketer jabyq tur. Azyq-túlik qatarynda da saýda joq. Tipti, jemis-jıdek satatyn keı satýshylar saýda azaıǵanyna baılanysty sórelerin jaýyp ketipti. Satýshylardyń aıtýynsha, azyq-túlik baǵasy qymbattamaǵan.