Erjan Qalymbaıuly Atyraý oblysy ákiminiń baspasóz hatshysy – baspasóz qyzmetiniń jetekshisi bolyp taǵaıyndaldy.
Erjan Qalymbaıuly – QR Jýrnalıser Odaǵynyń múshesi. Bilimi – joǵary, túrik, aǵylshyn tilderin biledi.
E.A.Bóketov atyndaǵy Qaraǵandy memlekettik ýnıversıtetin «jýrnalısıka» mamandyǵy boıynsha úzdik bitirgen. Keıin atalǵan ýnıversıtette sol mamandyq boıynsha magıstratýra oqyǵan. Qaraǵandy «Femıda» zań akademıasynda «zańger» mamandyǵy boıynsha bilim alǵan. Ystanbul (Túrkıa) ýnıversıtetiniń doktoranty.
Eńbek jolyn Qaraǵandy oblystyq «Ortalyq Qazaqstan» gazetinde qatardaǵy tilshilikten bastaǵan. Odan keıin «Qazaqstan RTRK» AQ Qaraǵandy oblystyq fılıaly jańalyqtar qyzmetinde redaktor ári baǵdarlama júrgizýshisi, «Aıqyn» respýblıkalyq qoǵamdyq-saıası gazetiniń astanadaǵy tilshisi, «Habar agenttigi» AQ jańalyqtar men aqparattyq baǵdarlamalar dıreksıasynyń tilshisi, «Qazaqstan RTRK» AQ aqparattyq-saraptamalyq baǵdarlamalar dıreksıasynyń tilshisi, «Jebe» respýblıkalyq qoǵamdyq-saıası gazetiniń Túrkıadaǵy tilshisi, Halyqaralyq Túrki akademıasynyń baspasóz-hatshysy, «Qazaq radiosy» «Bizdiń paıym» analıtıkalyq-saraptamalyq baǵdarlamasynyń júrgizýshisi, «ULYS» halyqaralyq dıdjıtal jýrnaly men ulys.kz aqparat-saraptama saıtynyń negizin qalaýshy ári bas redaktory bolyp qyzmet etken.
Sońǵy jumysy – «Qazaqstan RTRK» AQ «Apta» aqparattyq-saraptamalyq baǵdarlamasynyń redaktor-analıtıgi.
Túrkıadaǵy qazaq jastarynyń «Sana» ıntellektýaldyq klýbynyń (2011-2013) jetekshisi. AQSH-tyń IVLP (The International Visitor Leadership Program) baǵdarlamasynyń túlegi. Túrkıa, Fransıa jáne Qyrǵyzstan elderinde jýrnalısıkaǵa qatysty arnaıy kýrstar oqyǵan.
