Bul týraly Densaýlyq saqtaý mınıstrligi Taýarlar men kórsetiletin qyzmetterdiń sapasyn baqylaý komıtetiniń baspasóz qyzmeti málimdedi dep habarlaıdy Qamshy.kz aqparat agenttigi.

Bundaı sheshimniń qabyldanýyna respýblıka aýmaǵynda jarıalanǵan tótenshe jaǵdaı rejımi sebep bolyp otyr. 

«Koronavırýstyń taralýyna baılanysty Qazaqstan Respýblıkasynyń aýmaǵynda engizilgen tótenshe jaǵdaı rejımine baılanysty Nur-Sultan men Almaty qalalarynda avtokólik turaqtary tegin bolady. Almatynyń qalalyq turaqtarynda 21 naýryzdan bastap aqy alynbaıdy. Aqyly turaqtar turǵyndardan aqyny 15 sáýirge deıin almaıdy», - delingen resmı aqparatta.

Eske sala keteıik, atalǵan eki megapolıste 19 naýryzdan bastap karantın engizilgen bolatyn. Al 16 naýryzda el boıynsha tótenshe jaǵdaı jarıalandy. Sońǵy málimetter boıynsha, Qazaqstanda qaýipti indetti juqtyrǵandar sany 52 adamǵa jetken.