Bul týraly Qamshy.kz aqparat agenttigi QR SİM baspasóz qyzmeti deregine súıene otyryp habarlaıdy. 

Resmı málimet boıynsha, atalǵan shara aıasynda Polshaǵa otandyq SCAT áýekompanıasynyń arnaıy charterlik reısi jiberilgen.

«Búgin, koronavırýs pandemıasy aıasynda álemdegi qolaısyz jaǵdaıǵa baılanysty otandastarymyzdy Qazaqstanǵa qaıtarý boıynsha qabyldanyp jatqan sharalar aıasynda, Polshaǵa otandyq SCAT áýekompanıasynyń arnaıy charterlik reısi jiberildi», - delingen QR SİM baspasóz qyzmeti taratqan málimetinde.

Osylaısha, birneshe kún boıy elge ushýdy saryla kútken 207 qazaqstandyq elge oralǵan.

«Dıplomattarymyzdyń, Indýstrıa jáne ınfraqurylymdyq damý mınıstrligi qyzmetkerleriniń, sondaı-aq jergilikti bılik pen qazaqstandyq áýekompanıa ókilderiniń úılesimdi jumysy nátıjesinde ushýyn birneshe kún boıy kútip otyrǵan 207 jolaýshy Qazaqstanǵa sátti oraldy. Jolaýshylardyń basym bóligi Eýropada oqıtyn qazaqstandyq stýdentter. Kúndiz-túni eńbek etip, densaýlyǵyna tónip turǵan qaterge qaramastan otandastaryn rýhanı tózimdiliktiń úlgisimen sergitkeni úshin bizdiń Varshavadaǵy áriptesterimizge alǵysymyzdy bildiremiz», delingen habarlamada.