Almatydaǵy Ǵabıt Músirepov teatry óz qoılymdaryn onlaın rejımde usyna bastady, dep habarlaıdy Qamshy.kz aqparat agenttigi.
Bul týraly teatrdyń facebook paraqshasynda habarlanyp, atalǵan ujymnyń bundaı qadamǵa barýyna shahardyń tolyq karantınge jabylýy sebep bolǵany da aıtylǵan.
"Qurmetti oqyrmandarymyz, kórermenderimiz! Almaty qalasynda karantınge baılanysty Ǵabıt Músirepov teatrynyń qoıylymdaryn onlaın rejımde ózderińizge usynyp otyrmyz. Karantın ýaqytynda úıde otyryp, ózińizge yńǵaıly ýaqytta súıikti teatryńyzdyń súıikti qoıylymdaryn "YOU TUBE" áleýmettik jelisinen tamashalaýǵa shaqyramyz" delingen habarlamada.
"Tamashalaý" demekshi, teatr repertýaryndaǵy usynatyn spektáklder tizimi de jarıalanǵan bul rette. Aıtalyq, bul qatarda "Er kójek" - (mýzykalyq ertegi) avt. Ó.Boranbaev, "Estaıdyń Qorlany" - (mahabbat-nama) avt. Iran-Ǵaıyp, "Mahabbat hattary" - (drama) avt. A.Gernı jáne M.Gorkııdiń "Shyńyraý" syndy dramalary bar.
Osylaısha, teatr joǵaryda atalǵan týyndylardyń ishinde janyńyz qalaǵan qoıylymdy onlaın usynýǵa daıyn ekenderin jetkizedi.
Pikir qaldyrý