Erteńnen Almatyda azyq-túlik  satatyn oryndar men dárihanalardan basqa barlyq nysandar jabylady. Bul týraly onlaın brıfıń ótkizgen Almaty qalasy ákiminiń orynbasary Saparbek Tuıaqbaev aıtty.

Onyń sózinshe, bul sheshim tótenshe jaǵdaı jónindegi memlekettik kommıasıamen birlese otyryp qabyldanǵan.

"Búginnen bastap biz qyzmet kórsetý jáne saýda salasyndaǵy keıbir kásipkerlik nysandarynyń jumysyna qoıylǵan shekteýdi keńeıtý týraly sheshim shyǵardyq. Munyń aldynda iri saýda oryndary, saýda oıyn saýyq ortalyqtary, sulýlyq salondary, qoǵamdyq tamaqtaný oryndary jabyq bolatyn. Al erteńnen bastap jańa rejim kúshine enedi. Iaǵnı, azyq túlik dúkenderi men dárihanadan basqa barlyq nysandar jabylady" Tuıaqbaev. 

Ákim orynbasaranyń aıtýynsha, qalada dámhana men qoǵamdyq tamaqtaný oryndarynan tamaqty úıge alyp ketýge bolady. Al azyq-túlik emes saýda oryndarynyń úlken-kishiligine qaramastan túgel jabylady. Tuıaqbaevtyń aıtýynsha, jabylatyn nysandardyń qatarynda avtosalondar, avtobólshek satyn oryndar, gúl satatyn pavılondar, hımıalyq tazalaý ortalyqtary, fotosalondar, optıka salondary, lombard, jyljymaıtyn múlik boıynsha agenttikter, TQKO-lar bar.