Koronavırýs ınfeksıasynyń taralýyn boldyrmaý jáne oqshaýlaý sharalaryn kúsheıtý maqsatynda Halyqqa qyzmet kórsetý ortalyqtary jańa jumys tártibine kóshti, dep habarlaıdy Azamattarǵa arnalǵan úkimet memlekettik korporasıasynyń baspasóz qyzmeti.

Qazaqstandyqtarǵa búgingi tańda memlekettik qyzmetterdiń 80%-y elektrondyq úkimet portaly arqyly qoljetimdi, sondaı-aq qajetti anyqtamalardy eGov Mobile mobıldi qosymshasy jáne telegramdaǵy egovkzbot2.0 boty arqyly alýǵa bolady.

HQO-nyń eń tájirıbeli jáne arnaıy oqýdan ótken 1800-den astam qyzmetkeri 1414 baılanys ortalyǵynyń keńes berýshilerimen birge azamattarǵa memlekettik qyzmetterdi onlaın túrde alý boıynsha kómek kórsetetin bolady.

Baılanys ortalyqtary dúısenbiden senbige deıin tańǵy 9.00-den keshki 20.00-ge deıin jumys isteıdi. Qońyraý shalý tegin.

Bul rette, 21 naýryzǵa deıin ótinish berip úlgergen azamattar qyzmetterdiń daıyn nátıjesin (avtoHQO qyzmetterimen birge) ózi ótinish bergen HQO-nyń qujat berý sektorynan alyp kete alady.

Daıyn qujattardy berý terezeleriniń jumys tártibi: dúısenbi-juma 9.00-den 17.00-ge deıin, senbi saǵat 9.00-den 14.00-ge deıin.