Shyǵys Qazaqstan oblysy Óskemen qalasynda jalǵan aqparat boıynsha arnaıy qyzmetkerdi shaqyrǵan er adam ustaldy. Bul týraly polisia.kz habarlady. 

Óskemen qalasynyń turǵyny operatorǵa jaqynda Taılandtan kelgenin jáne birneshe kún boıy ózinen JRVI belgilerin baıqaǵanyn aıtqan.

Jedel kelgen mamandar 39 jastaǵy er adamnyń vırýstyq ınfeksıa sımptomdary joǵyn anyqtady. Alaıda ol mas kúıde bolǵan. Polısıa qyzmetkerleri er adamnyń shetelge shyqpaǵanyn anyqtady.  

Er adam QR ákimshilik quqyq buzýshylyq týraly kodeksiniń 438-baby 1-bólimi (arnaıy qyzmetterdi kórineý jalǵan shaqyrý) boıynsha ákimshilik jaýapkershilikke tartyldy. Atalǵan bólimde aıypkerge 30 aılyq eseptik kórsetkish (79 530 teńge) mólsherinde aıyppul salý kózdelgen.