Jambyl oblysynda koronavırýs juqtyrǵan taǵy bir adam anyqtaldy. Osylaısha bul aımaqta indet tabylǵan adamdar sany 3-ke jetti. Buǵan deıin osy oblystyń bir turǵynynan 24 naryz kúni, bir turǵynynan búgin vırýs tabylǵan bolatyn. Ol ekeýi de – Qyrǵyzstannan kelgen azamattar. 

Qazaqstanda qazir vırýs juqtyrǵan adamdar 113-ke jetip otyr. İndet tabylǵan naýqastardyń basym bóligi Almaty men Nur-Sultanda tirkelgen. 

Búgin, 26 naýryz kúni Nur-Sultanda bir áıel adam koronavırýstan qaıtys boldy. Al 25 naýryzda Almatyda bir, Nur-Sultanda bir naýqas indetten aıyqqan bolatyn. 

Koronavırýsqa baılanysty Qazaqstannyń barlyq aýmaǵynda 16 naýryzdan 15 sáýirge deıin tótenshe jaǵdaı. Al Almaty men Nur-Sultan 19 naýryzdan bastap karantınge jabylǵan. Bul qalalarǵa kirip-shyǵýǵa tyıym salynǵan. Búginnen bastap qala ishinde azyq-túlik dúkenderi men dárihanalar ǵana jumys istep tur.