Tótenshe jaǵdaı kezinde tabysynan aıyrylǵan azamattarǵa Memlekettik áleýmettik saqtandyrý qorynan beriletin jańa áleýmettik tólemdi (42500 teńge) alý tizimi keńeıtilip, taǵaıyndaý sharttary jeńildetildi, dep habarlaıdy coronavirus2020.kz.

Tólem alýshylar sheńberi keńeıtildi.

Bastapqyda bir adamǵa aıyna 42,5 myń teńgeni (eń tómengi jalaqy) quraıtyn áleýmettik tólem azamattardyń kelesi sanattaryna tólenýi kerek edi:

– orta, shaǵyn jáne mıkrobıznes sýbektileriniń qyzmetkerleri;

– jeke kásipkerler (budan ári – JK);

– jeke praktıkamen (JP) aınalysatyn adamdar (notarıýs, jeke sot oryndaýshysy, advokat, kásibı medıator);

– biryńǵaı jıyntyq tólemdi tóleýshiler (budan ári – BJT).

Endi olarǵa:

– azamattyq-quqyqtyq kelisimsharttar boıynsha kiris alatyn adamdar, máni jumystardy oryndaý bolyp tabylatyn (qyzmetter kórsetý), salyq agentterine mindetti zeınetaqy jarnalary tólengen azamattar kiredi.

– karantın engizilgen eldi mekenderdegi iri bıznes sýbektileriniń qyzmetkerleri.

Tótenshe jaǵdaıǵa baılanysty tabysty joǵaltý faktisin rastaıtyn qujattardy usyný qajettiligi joıyldy.

Buryn áleýmettik tólemder týraly ótinishti jumys berýshiler óz qyzmetkerleri úshin, JK, JP jáne BJT tóleýshiler – ózderi bere alatyn. Sonymen birge, jumys berýshiler tótenshe jaǵdaı kezinde qyzmetti shekteýge baılanysty óz qyzmetkerleriniń tabysyn joǵaltýyn rastaıtyn qujattardy, qyzmetkerlerdiń tizimin jáne qyzmetkerlerge jalaqysy saqtalmaıtyn eńbek demalysyn berý týraly buıryqtan úzindi kóshirmeni usynýy kerek edi.

Endi tótenshe jaǵdaı saldarynan kiristi joǵaltý faktisin rastaıtyn qujattardy usynýǵa qoıylatyn talaptar alynyp tastaldy.

Áleýmettik tólemderdi taǵaıyndaý úshin:

– jumys berýshiler ótinishti tek qyzmetkerlerdiń tizimin qosa bere alady;

– JK, JP, AQK jáne BJT tóleýshiler jeke derekterdi kórsete otyryp, tek ótinish beredi.

Sondaı-aq, qyzmetker jumys berýshini kútpeı-aq ótinishti ózi bere alady.

Sonymen birge barlyq ótinish berýshiler tótenshe jaǵdaıdyń engizilýine baılanysty kiristerdi joǵaltý faktisiniń durystyǵy úshin ózine jaýapkershilik alady.

Ótinish «Elektrondyq úkimet» veb-portalynda «Elektrondyq ótinish» servısi arqyly elektrondyq formatta beriledi.

Úshinshi. Tólem taǵaıyndaý úshin áleýmettik saqtandyrý júıesine qajetti qatysý merzimi qysqartyldy.

Buryn tólem taǵaıyndaý úshin áleýmettik saqtandyrý júıesinde sońǵy 12 aı ishinde kem degende 3 aı qatysý talap etiletin.

Endi, eger qyzmetke memlekettik áleýmettik saqtandyrý qoryna sońǵy 12 aıda keminde 1 ret áleýmettik aýdarymdar jasaǵan bolsa, áleýmettik tólemder taǵaıyndaýǵa jetkilikti.

Tólemdi alǵysy keletin úmitker azamattarǵa áleýmettik aýdarymdar nemese zeınetaqy jarnalarynyń bar-joǵyn dáleldeýdiń qajeti joq, bul avtomatty túrde «Azamattarǵa arnalǵan úkimet» memlekettik korporasıasy» tarapynan tekseriledi.

Tórtinshi. Ótinimderdi qaraý jáne áleýmettik tólemdi taǵaıyndaý merzimi 7-den 3 jumys kúnine deıin qysqartyldy.