Ýaıs Ersaıynuly atty feısbýk qoldanýshysy óz paraqshasynda 2011 jyly "sopylar isi" boıynsha "ekstremızmdi nasıhattady" degen aıyppen sottalyp, túrmede on jyldaı otyryp, byltyr bosap shyqqan sopy Ismatýlla Maqsumnyń daýsy delingen aýdıojazba jarıalady.

Ismatýlla Maqsum úndeýinde din jolyndaǵy óziniń qyzmetine toqtala kele "koronavırýs – búkil dúnıe oıansyn degen maqsatmen qudaıdyń bergen synaǵy, onyń jalǵyz ǵana emi zikir salý" ekenin aıtady.

Qazaqstan prezıdentinen el boıynsha zikir salatyn oryndardyń, medreselerdiń ashylýyn suraǵan zikirshi "sonda ǵana qudaıdyń qaharynan qutylamyz" dep sanaıdy.

Ol Toqaevqa aıtqanyn tyńdaýdy, tyńdamasa, ásker jiberip, ózin atyp tastasa bolatynyn jetkizgen.

Feısbýk qoldanýshysy úndeý whatsapp messendjeri arqyly kelgenin aıtady.