Polısıa qyzmetkerleri almatylyqtarǵa úndeý jasady. Sondaı-aq qajet azyq-túlikke úıden shyqpaı tapsyrys berýge shaqyrdy. Bul týraly brıfıń barysynda polısıa departamentiniń bastyǵy Qanat Taımerdenov aıtty.

Qalalyq polısıa basshysy elde tótenshe jaǵdaıdyń engizilýine jáne qalada karantınge baılanysty azamattardyń ózekti suraqtaryna jaýap berdi. Brıfıńke qatysqan turǵyndardyń biri "sýpermarketke nemese dúkenge barǵandarǵa da aıyppul salyna ma" dep surady. Taımerdenov bolsa Almatyda tapsyryspen úıge jetkizetin dúkenderdiń kóp ekenin aıtty. 

"Qazir qaladaǵy dúkenderdiń 90 paıyzǵa jýyǵy tapsyryspen azyq-túlikti úıińizge ákeledi. Eger azyq-túlik dúkeni nemese sýpermarket alys bolsa úıge tapsyrys berińizder", - dedi Qanat Taımerdenov.