31 naýryzdan bastap Jambyl oblysynda jańa shekteý sharalary engiziledi. Bul týraly óńir ákiminiń baspasóz qyzmeti habarlady.

Tranzıttik kólik quraldary men azyq-túlik tıelgen avtókólikten basqa, kóliktiń barlyq túrine jáne azamattarǵa Jambyl oblysy men Taraz qalasynyń aýmaǵyna kirip-shyǵýǵa tyıym salynady.

"İri saýda ortalyqtarynyń qyzmeti toqtatylady. Bólshek saýda azyq-túlik bazarlary mindetti túrde sanıtarlyq-dezınfeksıa rejımin saqtaı otyryp, saǵat 10.00-den 17.00-ge deıin jumys isteıdi", - delingen habarlamada.   

Kóterme saýda dúkenderi men bazarlar, sýpermarketter, azyq-túlik dúkenderi, úıdiń janyndaǵy dúkender men dárihanalar qalypty rejımde jumysyn jalǵastyrady. Qoǵamdyq tamaqtaný nysandary jetkizip berý qyzmetine aýysady.