Ortalyq komýnıkasıalar qyzmetinde ótken brıfıńte Bilim jáne ǵylym mınıstri Asqat Aımaǵambetov orta bilim deńgeıinde qashyqtan oqytý barysynda týyp jatqan kompúter tapshylyǵy máselesi qalaı sheshiletinin aıtty.

Mınıstrlik máseleni 2 jolmen sheshpek. Alǵashqysy boıynsha mektepterdiń balansyndaǵy kompúterler arnaıy akt negizinde oqýshylarǵa ýaqytsha paıdalanýǵa beriledi. Bul jumystar búginde Nur-Sultan jáne Almaty qalalarynda belsendi júrip jatyr. Almaty qalasynda 10 myńnan astam kompúter taratylyp úlgergen.

Máseleni sheshýdiń ekinshi joly – kompúterler men planshetter satyp alý. Mınıstr kompúter men planshetti qosqanda 80 myń qurylǵy satyp alynatynyn aıtty.

Kompúteri joq ustazdar máselesi boıynsha "tıisti jumystar atqarylyp jatyr" degen mınıstr naqty nendeı jumys ekenin ashyp aıtpady.