Karantınde Almatyǵa kirgisi kelgen úsh Ózbekstan azamaty qamaýǵa alyndy. Bul týraly Polisia.kz habarlady.
– Jaqynda Alataý aýdanynda Ózbekstannyń úsh azamaty ustaldy. Olar Boraldaı yqshamaýdanynda ornalasqan №3 postty aınalyp ótip, qalaǵa kirýge tyrysty. Alaıda bul áreket nátıje bermedi. Belgili bolǵandaı, er adamdar jumys izdep Almatyǵa bet alǵan, olar karantın týraly bilmedik dedi. Mamandandyrylǵan aýdanaralyq ákimshilik soty sheteldikterdi QR ákimshilik quqyq buzýshylyq týraly kodeksiniń 476-baby (tótenshe jaǵdaıdy buzý) boıynsha ákimshilik jaýapkershilikke tartty jáne ákimshilik qamaýǵa aldy, – dep habarlady Alataý aýdandyq polısıa basqarmasynyń basshysy Ulan Ábilqaıyr.
Pikir qaldyrý