QR Prezıdenti Qasym-Jomart Toqaevtyń QHR Tóraǵasy Sı Szınpınmen jaqynda ótken telefon arqyly sóılesýiniń qorytyndysy boıynsha qytaı tarapyn Qazaqstanǵa gýmanıtarlyq kómek beretin boldy, dep jazady coronavirus2020.kz saıty.
Búgin tańerteń Almaty qalasynyń áýejaıyna birinshi gýmanıtarlyq kómektiń partıasy kelip, onyń ishinde teplovızor, test jıyntyǵy, medısınalyq bahıla, qolǵap, kózildirikter jáne medısınalyq kıim kiredi.
Jaqyn arada Qytaıdan medısınalyq qorǵanys quraldarynyń taǵy da kelýi kútilýde.
Almaty áýejaıynda júkti «Farmasıa» SQ, Almaty qalasyndaǵy QR SİM ókildigi, QHR Bas konsýldyǵy ókilderi kútip aldy.
