Búgin, 2 sáýirde Qazaqstan prezıdenti Qasym-Jomart Toqaev áskerı mindettilerdi arnaýly jıyndarǵa shaqyrý týraly qaýly shyǵardy. Toqaevtyń qaýlysyn Aqorda saıty jarıalady. 

Prezıdent qaýlysynda áskerı mindettilerdiń arnaýly jıyndarǵa shaqyrtylýy sebebi Qazaqstan qarýly kúshteriniń aýmaqtyq áskerlerin jasaqtaý úshin dep túsindirilgen. 

"Astananyń, respýblıkalyq mańyzy bar qalalardyń jáne oblystardyń jergilikti atqarýshy organdary: Qazaqstan Respýblıkasy Qarýly Kúshteriniń Bas shtabymen kelisý boıynsha shaqyrylatyn áskerı mindettilerdiń sanyn jáne arnaýly jıyndardy ótkizý merzimderin aıqyndaı otyryp, tıisti jergilikti áskerı basqarý organdary arqyly áskerı mindettilerdi arnaýly jıyndarǵa shaqyrýdy júrgizýdi uıymdastyrsyn jáne qamtamasyz etsin" delingen Aqorda jarıalaǵan prezıdent qaýlysynda. 

Prezıdent qaýlysynda arnaýly jıyndar ne sebepti ótetini aıtylmaǵan.