Fılıppın prezıdenti Rodrıgo Dýterte pandemıa kezinde polısıaǵa qıyndyq týdyrǵan kez kelgen adam atylatynyn aıtty, dep jazady thesun.co.uk.

Dýterte sonymen qatar, koronavırýs shekteýi kezinde medısına qyzmetkerlerine kedergi jasaıtyn ár qandaı áreketke jol berilmeıtinin atap ótti.

Fılıppınde 2,311 adam vırýs juqtyrǵan jáne 96 ólim tirkelgen, biraq elde ınfeksıa kún saıyn ósip keledi.

Prezıdent Dýterte teledıdarda sóılegen sózinde barlyq azamattardy karantın tártibin saqtaýǵa shaqyrǵan.

– Jaǵdaı kún sanap nasharlaı túsýde. Sondyqtan men sizderge máseleniń mańyzyn jáne ony tyńdaý kerek ekenin aıtamyn. Meniń polısıaǵa jáne áskerı qyzmetkerlerge buıryǵym: eger bireýler qıyndyq týyndatsa nemese adamdar qarsylasyp, polısıaǵa qaýip tóndirse, olardy atyńdar. Túsinikti me? Atyńdar. Qarsylasqandardy men ózim jerleımin, – dedi Fılıppın prezıdenti.

Fılıppın prezıdentiniń bul sózdi pandemıa kezinde birneshe ret tártipsizdikter týraly habarlamalar shyqqannan keıin aıtylǵan.

Amnesty International halyqaralyq uıymy Fılıppın prezıdentiniń adam quqyqtaryna qaıshy bul sózderin aıyptady.

Fılıppınde koronavırýs shekteýi men komendanttyq saǵat buıryǵyna baılanysty zań buzýshylyqtar úshin 17 myńnan astam adam qamaýǵa alynǵan.

Olarǵa qatysty birneshe saǵat boıy ystyq kúnde turǵyzyp qoıý, ıtterge arnalǵan torlarǵa qamaý, taıaqqa jyǵý sekildi jaza qoldanylýy múmkin.

Talǵar Dálelǵazy