Aqtóbe oblysy ákimdigi Tabıǵı monopolıalardy retteý komıtetiniń Aqtóbe oblysy boıynsha Departamentimen birigip turǵyndar úshin komýnaldyq qyzmetterdiń tarıfin tómendetýdi bastady. Aqtóbe oblysy ákimdigi Tabıǵı monopolıalardy retteý komıtetiniń Aqtóbe oblysy boıynsha Departamentimen birigip turǵyndar úshin komýnaldyq qyzmetterdiń tarıfin tómendetýdi bastady.

Bul jumys Memleket basshysy tapsyrǵan halyqty áleýmettik qoldaý jáne qarjylyq aýyrtpashylyqty tómendetý boıynsha qabyldanyp jatqan sharalar sheńberinde jasalyp jatyr. 

Komýnaldyq qyzmetterdiń tarıfi naýryz aıynan bastap tómendeıdi. Onyń ishinde «Aqbulaq» Aksıonerlik qoǵamynyń qyzmeti qala boıynsha 20 paıyzǵa arzandaıdy. Al elektr jaryǵy úshin aqtóbelikter 10 paıyzǵa az tólem jasaıtyn bolady.  Sondaı- aq aýdan ortalyqtarynda birqatar komýnaldyq qyzmet kórsetetin mekemeler óz  tarıfterin 50 paıyzǵa deıin arzandatty. Shalqar, Alǵa, Muǵaljar, Keńkıaq eldi mekenderinde komýnaldyq qyzmetter birqatar arzandaıdy. Atap ótý qajet, sýmen jabdyqtaý qyzmeti boıynsha birqatar aýdandarda turaqty túrde erekshe mańyzy bar toptyq jáne lokaldyq sýmen jabdyqtaý júıeleri arqyly sý berý baǵdarlamasy sheńberinde, memlekettik sýbsıdıalandyrý qoldanylady. 

Sondyqtan, kórsetilgen tómendetýler olarǵa qoldanylmaıdy. Sonymen qatar, osyǵan deıin komýnaldyq qyzmetter kórsetetin barlyq sýbektilerge, bereshek týyndaǵan jaǵdaıda, qyzmet kórsetýdi toqtatpaý týraly usynym jaldanǵan bolatyn.