Qazaqstanda koronavırýsty taǵy 25 adam juqtyryp, bir adam qaıtys boldy. İndetten kóz jumǵandar sany 5-ke jetip otyr. Vırýs anyqtalǵandardyń jalpy sany –  525.

Qaıtys bolǵan 1947 jylǵy er adam Aqmola oblysy Selınograd aýdanynyń týmasy.

QazAqparattyń jazýynsha, 1 naýryzda naýqastyń jaǵdaıy nasharlap, tynys alý, júrek-tamyr qyzmetiniń jetkiliksizdigi joǵarylap, kúretamyrlyq qysym deńgeıiniń joǵary bolǵany baıqalǵan. Naýqas dısırkýlátorlyq ensefalopatıa dıagnozymen tirkeýde turǵan. 

–  2 sáýirde naýqastyń bıologıalyq ólimi tirkelip, onyń denesi sot-medısınalyq saraptama úshin Nur-Sultan qalasyna jetkizildi. Zertteý júrgizý kezindegi seksıondyq materıalda COVID-19 anyqtaldy. Naýqas bolǵan jerde epıdemıaǵa qarsy sharalar júrgizilýde, sondaı-aq qarym-qatynasta bolǵan adamdar anyqtalýda, –  Aqmola oblystyq densaýlyq saqtaý basqarmasynyń basshysy Súlen İlásov.

Qolda bar derek boıynsha eldegi koronavırýstyq jaǵdaı tómendegideı.