Qyzylorda oblysynda koronavırýs ınfeksıasyn juqtyrǵan taǵy eki adam tirkeldi, al 28 adam em alýda. Bul týraly óńirlik komýnıkasıalar qyzmeti alańynda oblystyq densaýlyq saqtaý basqarmasynyń basshysy Jaqsylyq Abdýsametov habarlady.
– 2020 jyldyń 3 sáýiri kúni jergilikti ýaqytpen saǵat 16.15-te COVID-19 vırýsynyń jańadan 2 jaǵdaıy tirkeldi. Anyqtalǵan 2 azamat Shıeli jáne Qarmaqshy aýdandarynyń turǵyndary. Olar budan buryn COVID-19 vırýsyn juqtyrǵan adamdarmen baılanysta bolǵan. Jaǵdaılary qanaǵattanarlyq, – dedi Jaqsylyq Ábilqasymuly.
Qazirgi tańda oblysta koronavırýs ınfeksıasy anyqtalǵan azamattarmen qarym-qatynasta bolǵan 662 adam bar. Onyń 237-si karantınde, 425-si úı jaǵdaıynda baqylaýda.
Pikir qaldyrý