Almaty qalasyna blokbeketter arqyly kirý/shyǵýǵa ruqsat etilgen azamattardyń tizimi keńeıtildi. Bul týraly qala ákimdiginiń baspasóz qyzmeti habarlady.

"Almaty qalasy ákimdigi janyndaǵy tótenshe jaǵdaı rejımin qamtamasyz etý jónindegi jedel shtab Almaty qalasynan/qalasyna densaýlyǵyna baılanysty ózdiginen qozǵalý múmkindigi joq jáne shuǵyl túrde emdelýge baǵyttalǵan azamattarǵa jáne olardy alyp júretin adamdardyń qozǵalysyna (júrip-turýyna) ruqsat etetin sheshim qabyldady. Mundaı ruqsat medısınalyq mekemeniń hat túrindegi joldamasy bolǵan jaǵdaıda naýqasty alyp júrýshi bir adamǵa berilgen jáne olar bir avtokólikpen júrýleri tıis" delingen ákimdik taratqan habarlamada.

Atalaǵan sharalar sozylmaly aýrýlardy emdeýde, josparly operasıalardy jasaýda der kezinde qyzmet kórsetýge múmkindik beredi.