Kókshetaý qalasynda qatty soqqan jel birneshe úıdiń shatyryn julyp áketti. Bul týraly ákimdiktiń baspasóz qyzmeti habarlady.

Ákimdiktiń málimetinshe, búgin soqqan qatty jelden Kókshetaý qalasynda 4 turǵyn úıdiń shatyryna (onyń 2-i ákimshilik ǵımarat), 10 aıaldama pavılonyna jáne 4 jarnama nysanyna zaqym kelgen.

"Kókshetaý qalasynyń Shevchenko, Temirbekov, Áýezov kósheleri, Barmashıno aýdany jáne Kóz ortalyǵy sharshy aýmaǵyndaǵy elektr taratqysh jelilerge zaqym keldi. Qazirgi kezde qalalyq elektr jelisiniń 25 adam jáne 8 tehnıkadan turatyn brıgadasy elektrmen jabdyqtaý júıesin qalpyna keltirý jumystaryn júrgizýde", delingen ákimdik taratqan habarlamada.

Vedomstvodan atap ótkendeı, qalalyq komýnaldyq qyzmetter, Kókshetaý TJB qyzmetkerleri tabıǵat apatynyń zardaptaryn joıýǵa kiristi. Buǵan qalalyq qyzmetterden 181 adam, 8 arnaıy tehnıka, Kókshetaý qalalyq TJB jeke quramynan 20 adam jáne 3 arnaıy tehnıka jumyldyrylyp otyr.