Nur Otan partıasynyń baspasóz qyzmet komısıa koronavırýs ınfeksıasyn juqtyrǵan qyzmetker Tolqynaı Ordabaeva jumys isteıtin Jambyl oblysyndaǵy aýdandyq aýrýhanada zańbuzýshylyq baryn anyqtaǵanyn habarlady.

"Áleýmettik jelide jarıalanǵan úndeýden keıin kelesi aqparat anyqtaldy. Infeksıonıst-dáriger Tolqynaı Ordabaeva jeke paraqshasynda Jambyl oblysy Merke aýdanyndaǵy aýrýhanada basshylyq tarapynan zańbuzýshylyq bolǵanyn jazǵan. Atalǵan jazba boıynsha Partıalyq baqylaý komısıasy tekseris júrgizdi, atalǵan derekter rastaldy. Merke aýdandyq aýrýhana ákimshiligi medısına qyzmetkerlerin maskany ózderi tigýdi talap etken. Sondaı-aq jumysta maskalar men qorǵanysh quraldary berilmegen. Osyǵan baılanysty aýdandyq aýrýhananyń bas dárigeriniń mindetin atqarýshy Danıar Núsipbekov pen densaýlyq saqtaý salasyna jetekshilik etetin aýdan ákiminiń orynbasary Marat Qasym partıalyq jaýapkershilikke tartyldy, – delingen habarlamada.

Buǵan deıin Jambyl oblysy Merki aýdandyq ortalyq aýrýhanasynyń Tolqynaı Ordabaeva atty ınfeksıonıst dárigeri qyzmet barysynda  koronavırýs juqtyrǵanyn, qazir Tarazdaǵy ınfeksıalyq stasıonarda jatqanyn jazǵan. Dáriger "aýdandyq aýrýhana basshylyǵy medısınalyq qorǵanys quraldarymen qamtamasyz etpedi" dep shaǵymdanǵan.