616 myńǵa jýyq qazaqstandyqqa tabysynan aıyrylýyna baılanysty 42500 teńge kóleminde áleýmettik tólem taǵaıyndaldy. Bul týraly QR Eńbek jáne halyqty áleýmettik qorǵaý mınıstrligi málimdedi.

Elde tótenshe jaǵdaıdyń engizilýine baılanysty 42500 teńge járdemaqyny alý úshin 1 mln 785 myń 413 azamattan barlyǵy 3 mln 593 myń 853 ótinish kelip túskeni anyqtaldy. Osylaısha, 1 mln 808 myń 440 ótinish eki qaıtara jiberilgen. Osy rette, mınıstrlik kelip túsetin málimetterdi qaraý merzimin qysqartý úshin ótinishti bir ret qana joldaýdy suraıdy.

Osy ýaqytqa deıin memlekettik áleýmettik saqtandyrý qorynan 42500 teńge kólemindegi áleýmettik tólem barlyǵy 615996 adamǵa taǵaıyndalǵan bolatyn.

"Derekterdi tekserý jáne ótinishti qaraý merzimi 3 jumys kúnin quraıdy. MÁSQ-ta tólem jasaý týraly sheshim qabyldanǵannan keıin ótinish berýshige SMS-habarlama keledi. Keıinnen ótinish berýshiniń derekteri «Azamattarǵa arnalǵan úkimet» memlekettik korporasıasy» KEAQ-ǵa jiberiledi, ol ony ekinshi deńgeıdegi bankterge tólem júrgizý úshin jiberedi. Áleýmettik tólem alýǵa ótinimdi eGov portaly, 42500.enbek.kz veb-saıty jáne https://t.me/Help42500Bot adresi boıynsha Telegram-bot arqyly berýge bolady", delingen mınıstrlik taratqan habarlamada.