Jambyl oblysy ákiminiń orynbasary Erjan Jylqybaev Merki aýdanyndaǵy dáriger-ınfeksıonıstiń shaǵymy boıynsha aýrýhana basshylarynyń jumystan bosatylǵanyn málimdedi. Bul týraly zhambyl.gov.kz habarlady. 

– Komısıa aýdandyq aýrýhana jumysynyń, onyń ishinde dárigerler T.Ordabaeva men Q.Tórequldyń ótinishterinde kórsetilgen faktiler boıynsha tekserý sharalaryn júrgizdi. Kóptegen málimetter rastaldy. Ujymda jaǵymsyz moraldyq-psıhologıalyq jaǵdaı qalyptasqan desek, oǵan birinshi kezekte emdeý mekemesi basshylyǵynyń óz kásibı mindetterine jaýapsyz qaraǵandyǵy sebep bolǵan, – dedi E.Jylqybaev.

Jol berilgen buzýshylyqtar úshin aýrýhananyń bas dárigeriniń mindetin atqarýshy D.Núsipbaev, bas dárigerdiń emdeý isi jónindegi orynbasary J. Shoıbekova jáne bas esepshi Z. Muqaeva qyzmetinen bosatyldy.

Erjan Jylqybaev tekserý materıaldaryna tıisti sharalardy qabyldaý jáne qaraýdy quqyq qorǵaý organdaryna tapsyrylatynyn atap ótti.

Sondaı-aq, ol jańadan taǵaıyndalǵan aýrýhananyń bas dárigeri Raıqul Nurjanovty tanystyryp, oǵan oryn alǵan zańbuzýshylyqtardy joıý jáne ujymdaǵy moraldyq-psıhologıalyq ahýaldy qalpyna keltirý syndy mańyzdy mindetterdi júktedi.

Oblys ákiminiń orynbasary óz sózinde medısına qyzmetkerleriniń quqyqtaryn qorǵaý máseleleri erekshe baqylaýda ekenin jetkizdi. Aldaǵy ýaqytta da olardy qajetti qorǵanys quraldarymen qamtamasyz etý, jumystaǵy qaýipsizdik sharalaryn nyǵaıtý jáne materıaldyq qoldaý úshin barlyq múmkindikter jasalatynyn tilge tıek etti.

E.Jylqybaev dárigerler T.Ordabaeva men Q.Tórequldyń qandaı da bir zańsyz is-áreketterden qorqýyna negiz joq, olar oblys basshylyǵynyń tikeleı baqylaýynda bolady dep sendirdi.