41 myńnan asa almatylyq 42 500 teńge kóleminde áleýmettik járdemaqy aldy. Ol týraly Almaty qalasy ákimdiginiń baspasóz ortalyǵynda ótken brıfıńte qalalyq áleýmettik ál-aýqat basqarmasynyń basshysy Rahat Shımasheva málimdedi. 

Almaty qalasynyń ákimdiginiń baspasóz ortalyǵynda qalalyq jumyspen qamtý ortalyǵynyń dırektory Dılára Imanqulova BAQ ókilderine arnap onlaın brıfıń ótkizdi. Ortalyq basshysynyń aıtýynsha, karantın kezeńinde egov platformasy arqyly onlaın rejımde tirkelýge jáne jumyssyzdyq mártebesin alýǵa bolady.

Dál qazir Jumyspen qamtý ortalyǵy tótenshe jaǵdaıǵa baılanysty jumyssyz qalǵan adamdar arasynda monıtorıń júrgizýde. Memleket esebinen tabysynan aıyrylǵandarǵa tabystarynyń 40% kóleminde áleýmettik járdemaqy taǵaıyndalady. Bul qarajat olardyń jarty jyl jáne 24 aıdan astam ýaqyt boıy resmı jumysqa ornalastyrý kezinde júrgizilgen aýdarymdarynan esepteledi.

– Biz jumyssyzdarǵa turaqty jumys tabýǵa tyrysamyz. Tótenshe jaǵdaı kezinde 49 jumysqa ornalastyryldy: olardyń 26-sy turaqty jumys taýyp, 23-i ýaqytsha jumysqa ornalasty, – dedi D. Imanqulova.

Jumyspen qamtý ortalyǵynda 224-20-00 jáne 221-66-11 koll ortalyǵy jumys isteıdi.

Kún saıyn Eńbek baǵdarlamasy boıynsha keńes alý úshin 60-qa jýyq adamǵa qyzmet kórsetiledi.

Eńbek mınıstrliginiń sheshimi boıynsha jumyssyzdyq mártebesin alý jeńildetilip otyr. Ony Jumyspen qamtý ortalyǵyna habarlasqannan keıin kelesi kúni alýǵa bolady.

Brıfıńte Dılára Imanqulova karantın kezinde nesıe tóleý qıyndyqtary beleń alǵandyqtan qala turǵyndarynyń 20% Bankke tıisti anyqtama alý úshin jumyssyzdyq týraly rásimdelgenin jetkizdi. Sóz sońynda ortalyq basshysy jumys izdeýshilerge karantın kezinde "Skıf Treıd"," Maslo del","Bazıs-a"jáne basqa da kompanıalardyń jumysyn toqtatpaǵanyn aıtyp, olardyń jumysqa qabyldaýǵa daıyn ekendigin jetkizdi.