Qazaqstan prezıdenti Qasym-Jomart Toqaev eldegi tótenshe jaǵdaı merzimin  1 mamyrǵa  deıin uzartýǵa qaýly etti. Bul týraly búgin, 14 sáýirde Aqorda saıty habarlady. 

Aqorda saıty jarıalaǵan prezıdent qalýlysynda "Qazaqstan Respýblıkasynyń barlyq aýmaǵyndaǵy tótenshe jaǵdaıdyń qoldanysy 2020 jyldyń 1 mamyryndaǵy 07 saǵat 00 mınýtqa deıin uzartylsyn" delingen.

Qazaqstanda koronavırýsqa baılanysty 16 naýryzdan beri tótenshe jaǵdaı. Alǵashynda  tótenshe jaǵdaı  bir aıǵa, ıaǵnı, 15 sáýirge deıin belgilenegen. Keıin, 10 sáýirde prezıdent Toqaev tótenshe jaǵdaı rejımin sáýirdiń sońyna deıin sozǵan bolatyn.

Tótenshe jaǵdaıdan bólek, eldegi keıbir qalalar men oblystar karantınge jabyldy. 

Sońǵy aqpart boıynsha, elde 13 naýryzdan beri 1179 adam koronavırýs juqtyrǵan. Osy ýaqytqa deıin olardyń 150-i indetten jazylyp shyqty, 14 adam kóz jumdy.