Májilis Tóraǵasy Nurlan Nyǵmatýlın «Qazaqstan Respýblıkasynyń keıbir zańnamalyq aktilerine bıznes-ahýaldy jaqsartý máseleleri boıynsha ózgerister men tolyqtyrýlar engizý týraly» zań jobasynyń jekelegen normalaryna qatysty pikir bildirdi.

Otyrys barysynda talqylanǵan máseleler eskerile otyryp, ekinshi oqylymǵa deıin pysyqtalatyn bolady.

Eń aldymen, bul zańnamalyq túzetýler ázirleýshilerdiń jobalaý-smetalyq qujattamany ázirleý jáne tehnıkalyq kúrdeli emes obektilerdi salý úshin saraptamadan ótkizý jónindegi rásimderdi joıý jónindegi usynysyna qatysty.

Májilis depýtattary bul normany alyp tastaý qajettigin aıtyp, mundaı usynyspen kelispedi.

Erejege sáıkes tehnıkalyq jaǵynan kúrdeli emes obektilerge jatpaıtyn nysandardy qataryna bıiktigi 5 qabattan aspaıtyn turǵyn úıler, syıymdylyǵy 600 oqýshydan kem emes jalpy bilim beretin mektepterdiń ǵımarattary kiredi.

Sonymen qatar, bunyń quramynda bir ýaqytta 800 adamǵa deıin bolatyn saýda jáne oıyn-saýyq nysandary bar.

Iaǵnı, bul nysandardy zań jobasynyń normalaryna sáıkes saraptamasyz salý usynylǵan.

Osyǵan sáıkes, Májilis Tóraǵasy Nurlan Nyǵmatýlın pikirinshe muny vedimistik erejeler deńgeıinde emes, zań deńgeıinde jasaý kerek.

Depýtattardyń aıtýynsha, memlekettik monopolıa sýbektisiniń, memlekettik monopolıa sýbektisi bolyp tabylmaıtyn, básekelestik naryqta qandaı da bir taýardy óndirýge, ótkizýge aıryqsha quqyq berilgen zańdy tulǵanyń Qazaqstan Respýblıkasynyń memlekettik monopolıa týraly zańnamasynda belgilengen shekteýlerdi saqtamaýy týraly normany da alyp tastaý qajet.

Osy uıymdardy aıqyndaý úshin ázirleýshiler monopolıaǵa qarsy organ bekitetin konkýrstyq tártipti engizýdi usynady.

Májilismender zań jobasy usynǵan normalar memlekettik organdarǵa básekeli taýar naryqtarynda jeke menshik nysanyndaǵy monopolıserdi jasandy túrde qurýǵa múmkindik beredi dep esepteıdi.

Májilis Spıkeri atap ótkendeı, sońǵy jyldary otandyq taýar naryqtarynda básekelestik orta aıtarlyqtaı nasharlady.

AQ jáne JSHS nysanyndaǵy shamamen 24 uıym tek óz qalaýy boıynsha baǵa belgileý máselelerin sheshedi.

Nurlan Nyǵmatýlınniń aıtýynsha, ázirleýshiler usynǵan túzetý Memleket basshysynyń monopolıaǵa qarsy naqty sharalar qabyldaý jónindegi nusqaýlaryna qaıshy keledi.

Osy rette, Palata Spıkeri Memleket Basshysynyń (aǵymdaǵy jyldyń qańtar aıyndaǵy Úkimettiń keńeıtilgen otyrysynda) naryqta tek memlekettik emes, sonymen qatar jeke monopolıalardyń tym kóp bolýyn atap ótip, Úkimetke monopolıaǵa qarsy jóninde naqty sharalar qabyldaýdy tapsyrǵanyn atap ótip, bul normany zań jobasynan alyp tastaý qajettigin aıtty.

Sonymen qatar, Májilis depýtattary aýyldyq eldi mekenderde ámbebap baılanys qyzmetterin sýbsıdıalaýdy boldyrmaýdy kózdeıtin túzetýmen de kelispeıdi.

Osyǵan sáıkes Májilis Tóraǵasy Nurlan Nyǵmatýlın aýyldyq telefon baılanysyna qatysty Úkimet usynǵan zań jobasyndaǵy normany qaıta qaraý kerektigin aıtty.

Sebebi zań jobasynda aýyldyq eldi mekenderdegi baılanys salasyn sýbsıdıalaýdy toqtatý kózdelgen. 

Ol aýyldaǵy telefon baılanysynyń qymbattaýyna alyp kelýi múmkin.

Nurlan Nyǵmatýlın pikirinshe, bul aýyl turǵyndaryna qıyndyq týǵyzady.