Aýyl sharýashylyǵy mınıstrliginiń baspasóz qyzmeti kóktemgi egis jumystaryn ótkizý qajettigine baılanysty fermerlerge blokpostardan esh kedergisiz ótý múmkindigi beriletinin habarlady.
"Memleket basshysynyń tapsyrmasyn oryndaý maqsatynda oblys ákimdikteri aýyl sharýashylyǵy taýarlaryn óndirýshilerdiń, aýyl sharýashylyǵy tehnıkasy men taýarlyq-materıaldyq zattardy jetkizýshilerdiń esh qıyndyqsyz qozǵalysyn qamtamasyz etý boıynsha tıisti algorıtmdi daıyndady. Oblys ákimdikteri óńir aýmaǵyndaǵy qozǵalysqa ruqsatnamany alýdyń elektrondyq portaldaryn ázirlep, iske qosty.
Atalǵan ótinimge elektrondyq formatta kásiporyn basshysy qol qoıady. Osy qujat elektrondyq bazaǵa engizilip, avtomatty túrde barlyq blokpostarǵa jetkiziledi, sondaı-aq blokpostardan ótýge ruqsat etiledi. Kóktemgi egis jumystaryn ýaqytyly júrgizýdiń mańyzdylyǵyn eskere otyryp, aýyl sharýashylyǵy taýralaryn óndirýshiler úshin "jasyl dáliz" qaǵıdaty boıynsha jeńildetilgen bólek tártipti bekitýdi usynamyz" delingen mınıstrlik taratqan aqparattyq habarlamada.
Pikir qaldyrý