QR Premer-Mınıstri Asqar Mamınniń tóraǵalyǵymen Tótenshe jaǵdaı rejımin qamtamasyz etý jónindegi memlekettik komısıanyń kezekti otyrysynda 20 sáýirden bastap Nur-Sultan men Almatyda jumysyn qaıta bastaıtyn qyzmet túrleriniń tizimi bekitildi, dep jazady primeminister.kz.

Memlekettik komısıa bıylǵy 20 sáýirden bastap qatań sanıtarlyq-epıdemıologıalyq sharalardy saqtaı otyryp, Nur-Sultan jáne Almaty qalalarynda jumysyn qaıta bastaıtyn kásipkerlik sýbektileriniń qyzmet túrleriniń tizimin bekitti.

Nur-Sultan qalasynda:

• ónerkásiptik kásiporyndar;

• qurylys jáne jol-qurylys salalarynyń kompanıalary, iri qurylys dúkenderi;

• kólik, qoımalaý salalaryndaǵy kompanıalar, aýyl sharýashylyǵy maqsatyndaǵy servıstik kompanıalar;

• avtosalondar, TQS, avto jýý, dóńgelek aýystyrý servısi, avtobólshekter dúkenderi, hımıalyq tazalaý, keńse tehnıkasyn jóndeý;

• ekinshi deńgeıli bankter saǵat 9:00-den 16:00-ge deıin shtat sanynyń 50%-yn shekteýmen, notarýıster aldyn ala jazylý boıynsha jumys isteıdi;

• qoǵamdyq tamaqtaný nysandarynyń jumysy tek ózimen alyp ketý jáne jetkizý qyzmetimen saǵat 22:00-ge deıin uzartylady.

Almaty qalasynda:

• ónerkásiptik kásiporyndar;

• qurylys jáne jol-qurylys salalarynyń kompanıalary, qurylys materıaldarynyń iri kóterme bazarlary;

• notarıýster aldyn ala jazylý boıynsha;

• tek bızneske qyzmet kórsetý úshin HQKO bir bólimshesi (Naýryzbaı aýdany, Shuǵyla shaǵyn aýdany, 347/1). 

Nur-Sultan jáne Almaty qalalaryndaǵy shuǵyl shtabtar kásiporyndar men kásipkerlik sýbektileriniń naqty tizimin, olardyń qyzmetkerleriniń naqty sanyn, jumys ýaqytyn jáne jetkizilý tásilin anyqtaıdy. 

Úkimet basshysy Nur-Sultan jáne Almaty qalalarynyń ákimderine tıisti sharalardy qabyldap, jumysy qaıta jandanatyn nysandarda sanıtarlyq-epıdemıologıalyq qaýipsizdiktiń saqtalýyna qatań baqylaý jasaýdy qamtamasyz etýdi tapsyrdy.